Skip to main content

"মোৰ জীৱন : এক সূৰ্য গ্ৰহণ"

উদয় নহওতেই গ্ৰহণ লগা এটি সূৰ্য।

সূৰ্যৰ কিৰণে ভেদিব নোৱাৰা,
এক বিশাল কলীয়া ডাৱৰ।
আৱৰি ধৰিছে জীৱন।
অন্ধকাৰময় পৃথিৱী এখন।।

এক ক্ষুদ্ৰ ধূলিকনা।
এক বিশাল মৰুভূমি।
খেদি ফুৰিছে মৰিচিকা।
পিয়াসী মন, পিয়াসী আত্মা।
পানী বিচাৰি খাইছে হাবাথুৰি।।

লুলুপ্তপ্ৰায় শৰীৰ, আধামৰা জীৱন।
ধংসস্তুপত পৰিণত সপোন।
ভালৰ পৰিনাম বেয়া!
ভগবান নে দানব?

সৰি পৰা গছৰ পাত।
কিতাপৰ মাজত মৰহি যোৱা ফুল।
হেৰাই যোৱা গীতৰ ব্যাকৰণ।
বেসুৰা গীতৰ সুৰ।।

কষ্ট, বেদনা, অকলশৰীয়া নিশা।
পাৰ নোহোৱা সময়।
অশান্তিময় ৰাতিপুৱা।
চৰাইৰ অশান্তিকৰ কোলাহল।।

পোহৰৰ প্ৰস্থান।
আশা নিৰাশাৰ যুজঁ।
চাৰিওফালে অন্ধকাৰ।
পুনৰ আৱিৰ্ভাৱ এক গ্ৰহণ লগা সূৰ্যৰ।।

মনক সান্তনা যাচিছোঁ,
ইয়াকে কয়।
তুমি যে শুব পাৰিছা,
এক অপূৰ্ব শান্তিৰ পৰশ লৈ।।

"মোৰ জীৱন : এক সূৰ্য গ্ৰহণ" - The Poetry

জ্যোতি প্ৰসাদ দাস

July 14th 2020






Labels:

Comments

Post a Comment

Popular posts from this blog

"সংগ্ৰাম - 3"

তোমাক লৈ ৰচিছিলোঁ সপোন বহুত ধুনীয়া ধুনীয়া সপোন এখনি ধুনীয়া সৰগৰ সপোন কিন্তু এইয়া হঠাতে কি হল সকলো ভাঙি যে সুৰমাৰ হৈ গল।। আজি জীৱন যুদ্ধৰ মই এক অকলশৰীয়া চিপাহী এক আহত চিপাহী চটফটাই আছোঁ এটুপি পানীৰ বাবে কিন্তু তুমি যে নাই মোৰ কাষত।। অন্থ কণ্ঠ শুকাই গৈছে মুখেৰে দেখোন মাত নোলোৱা হৈ গৈছে চকুৰ সমুখত ভাহি ফুৰিছে মাথোঁ তোমাৰেই প্রতিচ্ছবি মৰুভূমিৰ মৰিচিকাৰ দৰে।। ভুল মোৰেই হল যুদ্ধ খন বাচোতে ভুল হৈ গল কিন্তু মই যে আছিলোঁ উপায় বিহীন যিহেতু তুমি আছিলা সেই যুঁজৰ নায়িকা মোৰ সপোনৰ ৰাজকুমাৰী।। "সংগ্ৰাম - 3" - 𝙩𝙝𝙚 𝙥𝙤𝙚𝙩𝙧𝙮 জ্যোতি প্ৰসাদ দাস April 26, 2020 # 𝙏𝙝𝙚𝙋𝙤𝙚𝙩_𝙄𝙣𝙈𝙚
Post a Comment
Read more

মই আৰু মোৰ গীটাৰ

মোৰ গীটাৰে মাথো তোমাৰ কথাহে কয়, যদিও মই তোমাৰ কথা ভবা নাছিলো। মই গীটাৰখন লৈ ষ্ট্ৰিংবোৰ চাফা কৰিলোঁ, কিন্তু মোৰ গীটাৰে মাথো তোমাৰ কথাহে কয়! হয়তো মই উন্মাদ হৈ পৰিছো, বৰষুণত শুনিছো তোমাৰ নাম, বতাহত শুনিছো, বাৰে বাৰে শুনিছো, আৰু মোৰ গীটাৰেও যে মাথো  তোমাৰ কথাহে কয়! মই জানো মই আৰু তোমাক কেতিয়াও বিচাৰি নাপাওঁ, বিশ্বাস নহয় যে সকলো শেষ হৈ গ’ল, স্মৃতিবোৰ থাকে চিৰদিনৰ বাবে.. যন্ত্ৰণাদায়ক হৃদয়, কিন্তু মোৰ গীটাৰে মাথো তোমাৰ কথাহে কয়। তোমাক ইমানেই মিছ কৰো যে উশাহ বন্ধ হৈ পৰে, আগবাঢ়ি যাবলৈ চেষ্টা কৰো, প্ৰতিদিনে, পদে পদে.. জীৱন হয়টো আৰু কেতিয়াও আগৰ দৰে নহয়, কিন্তু মোৰ গীটাৰেযে মাথো তোমাৰ কথাহে কয়?   হয়, মোৰ গীটাৰে মাথো তোমাৰ কথাহে কয়, যদিও মই তোমাৰ কথা ভবা নাই। গীটাৰখন হাতত লৈ ষ্ট্ৰিংবোৰ চাফা কৰিছো, কিন্তু মোৰ গীটাৰেযে মাথো তোমাৰ কথাহে কয়! !! মই আৰু মোৰ গীটাৰ !! জ্যোতি প্ৰসাদ দাস Thu, Nov 2, 2023 ≠≠≠≠≠≠≠≠≠≠≠≠≠≠≠≠ #The_Poet_In_Me
Post a Comment
Read more

"তুমি"

তুমি মোৰ কবিতাৰ লিপি তুমি মোৰ কবিতাৰ শব্দ তুমি মোৰ কবিতাৰ বাক্য তুমিয়ে মোৰ কবিতাৰ উৎস.. তুমি মোৰ কবিতাৰ উশাহ তুমি মোৰ কবিতাৰ নিশাহ তুমি মোৰ কবিতাৰ ভাষা তুমিয়ে মোৰ কবিতাৰ শিখা.. তুমি মোৰ কবিতাৰ প্ৰেৰণা তুমি মোৰ কবিতাৰ গান তুমি মোৰ কবিতাৰ শক্তি তুমিয়ে মোৰ কবিতাৰ প্ৰাণ.. তুমি মোৰ কবিতাৰ চন্দ্ৰ তুমি মোৰ কবিতাৰ লহৰ তুমি মোৰ কবিতাৰ সূৰ্য তুমিয়ে মোৰ কবিতাৰ পোহৰ.. তুমি মোৰ কবিতাৰ হাঁহি তুমি মোৰ কবিতাৰ পাহি তুমি মোৰ কবিতাৰ প্লাৱন তুমিয়ে মোৰ কবিতাৰ জীৱন.. তুমি মোৰ কবিতাৰ কান্দোন তুমি মোৰ কবিতাৰ চিৎকাৰ তুমি মোৰ কবিতাৰ আৰ্তনাদ তুমিয়ে মোৰ কবিতাৰ চিত্ৰকাৰ তুমিয়ে মোৰ কবিতা।। "তুমি" - 𝑻𝒉𝒆 𝑷𝒐𝒆𝒕𝒓𝒚 জ্যোতি প্ৰসাদ দাস May 03, 2020 # 𝑻𝒉𝒆𝑷𝒐𝒆𝒕_𝑰𝒏𝑴𝒆
Post a Comment
Read more